暑假期間，啲社區中心搞各式各類嘅暑期活動班一啲都唔特別吖，細路仔唔趁暑假學多幾門手藝，大個咗邊有得住銀湖天峰嗰啲樓呀？不過呢張暑期活動嘅宣傳海報特別在於全人手製作，圖文並荗咁好有心思。

呢張海報啲字分咗3種顏色寫㗎，清清楚楚等你哋一眼就睇到重點，仲有呀，連手作珠仔嘅製成圖都畫埋出嚟㗎，係就係細咗啲，不過召喚梁國雄議員就應該睇到㗎喇。咁有心嘅海報去邊度搵？個個都靠部電腦機械化咁去打字整圖，PS晒先至print出嚟，呢張就唔同呢，毫不修飾咁有嗰句寫嗰句，有嗰樣畫嗰樣。BTW，唔知呢張親子串珠班嘅海報，是咪都係親子製作嘅成品呢？

嗱，我唔准你哋笑人㗎，人哋都不知幾貫徹環保呢個信念，身體力行，之前父親節同母親節嗰陣，張同志已經示範過如何將一張banner循環再用㗎喇。

佢咁愛護地球，真係好值得大家學習同表揚㗎！

延伸閱讀：【你老母激讚】民建聯慳家Banner