早前由民主黨揭發九龍灣啟睛邨嘅食水含鉛量超標，蔣元秋仲質疑人哋化驗結果唔準、會引起恐慌，點知今日嘅佢迅速就打倒昨日嘅佢，改口叫政府要跟進跟進，但原來佢老公就係嗰間承辦商嘅「小」股東同埋「非執行董事」。

蔣元秋啱啱就喺facebook度公開佢同佢老公嘅對話，原來佢早就預知到「遲早燒埋嚟」㗎喇！

蔣元秋愛夫之心人皆見之，好清晰咁同大家解釋究竟佢老公嘅職責係啲乜，簡單嚟講就係唔關佢事，佢冇問題㗎（好似係）。蔣元秋果然冇跟錯大佬呀吓，呢啲咩鉛水管有咩問題，都一定唔係佢哋嘅問題，而係土地問題（應該係，除非唔係）。

資料來源：蘋果日報、蔣麗芸Facebook