2015年07月14日 星期二
【我要做好呢份工】瞓床70日就有14萬
毛毛最鍾意就係瞓覺，但為咗返工搵錢成日唔夠瞓，如果可以一邊覺覺豬一邊搵錢就好啦。機會嚟啦飛雲！NASA而家請人瞓喺床70日，研究長時間瞓床到底會唔會令身體產生萎縮等問題。
到時只需要瞓喺張微微傾斜6度嘅床，完全唔落床就可以，你仲可以睇書打機煲劇，或者用電腦做嘢逗多份糧，聽落都爽呀。
而且有成萬八蚊美金人工，即係差唔多14萬港紙呀，真係廢青一步都唔使行，就已經係人類一大步啦。不過咁，返工前要做足body check，如果你係潺仔廢青，就冇機會喇，瞓返自己張床算啦。
