同啟晴邨一樣座落喺啟德嘅德朗邨，噚晚有居民喺凌晨兩點開水喉嘅時候發現啲水質混濁，仲充滿泥沙。
呢位居民表示自己住喺德朗邨德瑤樓，啲水喉水要放水放成5分鐘先至清返，而佢拆開幾日前買嘅濾水器安裝，發現裡面全支黄晒，防沙石嘅鋼網亦都充滿泥石。
而住喺附近嘅德瑩樓、德璋樓同樂晴樓嘅居民就表示佢哋嘅水暫時未有異樣。唉，如果抽水可以抽乾晒呢啲鉛水，然後換返啲正常嘅水就好喇。
來源：啟晴德朗街坊互助交友組
