想減磅，除咗靠美圖瘦獸，仲有好多人會選擇去做treatment。有位讀者些牙咗張減肥療程傳單畀毛毛，不過唔係叫我去幫襯呀，係張傳單實在太搞笑。

張傳單又幾pro咁喎（睇落），有齊中英對照。一睇，中文部份寫「我喫媽個仔」乜乜乜（我諗係指契媽啩），英文就寫”I am my Mom’s Son”，咁即係點呀？咁呢個肥仔，呀唔係，已經減咗肥嘅前肥仔，即係你契媽個仔呢，是咪即係你阿媽個仔，即係你呀？媽我好亂呀。

呢位哥仔「成功減掉體重200英鎊」……英鎊？係咪即係瘦咗又窮咗？毛毛我想增鎊呀有冇計先？