又係關愛座惹的禍。有個後生仔後腳跟踺斷裂（哇聽到都痛），傷到企都企唔到於是忍辱負重咁坐關愛座，喺巴士上面利申晒傷勢都繼續畀個老人家鬧呀！

世事嘅嘢咁係咁，永遠當你攰到就死嗰日搭巴士地鐵咁啱有位坐就會有七個阿婆圍住你，咁就梗係摞低都唔坐得啦。但係而家人哋腳都斷埋都唔坐得？梗係唔坐得啦！你個廢青斷咗腳都唔讓座畀個行得走得嘅老人家？有冇同情心㗎你呀？

項生寫漏咗，應該係「即使路程很長，人很累，腳已斷，也不是年輕人坐關愛座的理由。」

大佬，年青人都係人嚟啫，你班……不過算啦都係慳返啖氣。

來源：LadyKylie facebook page