你以為試身室就係拎件衫入去試下出返嚟咁簡單？喺迫到七彩嘅大商場入面，只要拉埋塊簾，就可以得到自己嘅一片小天地，係呢個小小嘅空間，你會見到人性嘅真實一面。

好多人排隊嘅試身室

排咗咁耐，入到去梗係要慢慢試，唔同款、同款唔同色唔同size都要試齊晒，理得出面排晒長龍啫。

自拍怪嘅試身室

嘩，件衫幾百蚊㗎！著上身影幾張自拍呃下like咪算囉。不在乎天長地久，只在乎曾經擁有呀嘛。

好姊妹嘅試身室

豬妹就係鍾意去到邊都痴埋一齊，去廁所要一齊，試衫都要！兩個好姊妹入到試身室又要試，又要畀意見，仲要影相（自拍、互影、合照……）同講是非，試到2046先出返嚟。

自私精嘅試身室

世上就係有啲細心人，擔心sale屎姐姐冇嘢做會畀阿頭以為佢哋偷懶豬，於是搞到啲衫一地都係，增加sale屎姐姐工作量，咁阿頭咪會覺得佢哋好勤力囉！

有金執嘅試身室

一年前有網友喺鑽石山大型時裝店試身室驚見一舊sss，唔怪得咁多人話香港地遍地黃金啦。BTW，度門唔係落到地㗎喎，屙嗰時咪畀人睇光光？

強國人嘅試身室

偉大祖國嘅試身室實施多功能多元化多方位政策，除咗試衫，仲可以gathering。聽講愛情動作片入面兩位主角係啱啱先識，立馬就入咗試身室增進感情啦，唔通真係女人如衣服，試過先斯服？