香港啲有錢人成日都話班廢青一日到黑淨係識得去旅行，梗係儲唔到錢上車啦！不過又想旅行又想上車都唔係話唔得嘅，平起上嚟，環遊世界都得呀。

喺外國就有個叫Shannon O’Donnell嘅人試過係冇水嘅時候同啲小旅館設計網頁嚟換取一個禮拜嘅住宿，最尾只係用咗13萬就環遊到個世界。

不過叫得廢青，又講到明係去旅行，無啦啦點會去用腦同人做嘢？如果你同時亦都係窮L，但係又想環遊世界都唔洗咁失望嘅，以下嘅辦法就可能幫到你。記住有夢就會強大（除非唔係），如果你有心環遊世界，又有邊個可以阻止到你喎。

轉地球儀

拎起個地球儀，用你隻手指喺度轉吓轉吓，環遊世界幾多次都得啦。

上Youtube

覺得轉地球儀太Dry？你可以試吓上Youtube。無論你想去咩國家，睇咩名勝，只要你去Youtube度搜尋就有得睇，名副其實眼睛去旅行。

轉地球儀太Dry，上Youtube睇片又覺得冇乜互動，你可以試吓咁，就係去書展。

書展原來有個展區叫國際文化村，今年就有25個國家同地區參展，你去到同嚟自當地（除非唔係）嘅職員講兩句，就唔怕Dry又夠晒互動啦。

資料來源：

香港書展

Shannon O’Donnell