開講話美麗有罪啫，原來而家得意都有罪㗎！個原因仲要相當之曲折離奇，危險到分分鐘死得人㗎，咁得意點得㗎，出事㗎嘛！

網民Enner cap咗一段家長對其他爸爸媽媽嘅提醒，呢位家長嘅囡囡搭電梯因為見到啲公仔興奮得滯拉住阿媽，差啲搞出人命，於是同商場投訴，商場仲唔肯做嘢呀！

毛毛都覺得呢位家長好有道理，防範未然係好重要㗎，所以以後香港啲餐廳都要禁播卡通片，唔係哽死啲細路點算呀！巴士車身一定要禁動畫廣告，啲細路會衝出馬路會死人㗎嘛！仲有呀，屋企都要晒禁公仔，啲穿頭撞損嘅家居意外好多時都係咁發生㗎喇！以後香港要將所有公仔列為三級，大人先准睇，唔可以再畀公仔危害細路，咁就夠安全喇，意外真係可以避免㗎！

來源：香港討論區