古天樂個簽名畀人發現同薯片劍生到一模一樣，毛毛都分唔到佢係幫薯片劍畫緊寫生定係寫緊自己個名呀。不過唔止古天樂個簽名咁神奇，仲有呢啲明星嘅簽名都好值得研究㗎～

卡娃伊型：

簽名淨係寫字邊夠特別（你簽到咁潦都冇人知你寫乜），咁不如畫符號啦，起碼你畫心人哋估到你畫緊個心吖，畫個心心喺度仲有卡娃伊呢嘅效果，我仲感受到周秀娜BB想佢將個心獻畀我呀！

畫公仔型：

大家估下呢個係邊個個簽名？再唔係就估下呢幾個係咩嘢字元？我就睇到似係兩隻眼一個嘴中間一點係個鼻囉。其實呢個係吴彦祖快手版嘅簽名，呢兩個係個「吳」字同個「彥」字，個「祖」字心情好先會寫埋出嚟（好似係）。

精密型：

呢個就係Eason陳奕迅嘅簽名啦，係唔係同薯片劍嘅霸氣程度有得揮呢？雖然呢個簽名睇落完全唔知寫緊乜嘢，但係其實真係有得解㗎！有網民仲特登整咗個簽名解說圖，原來係「陳」「E」「C」三個字嚟㗎！

等毛毛都練下自己個又有型又特別又睇得明嘅簽名先，「～～」簽完喇。

資料來源：蘋果日報