香港近日就畀啲鉛水搞到人心惶惶，爆吓爆吓，除咗啟晴邨、水泉澳邨同葵聯邨之外，今日就話連牛頭角下邨都有，咁樣有緣人可能飲到有鉛水嘅機會就越嚟越高。毛孩知道你班香港人驚驚青青，就幫你哋搵咗其他水鉛源。

小米淨水器

偉大嘅祖國非常關照香港人，見到你哋咁擔心，小米就喺噚日表示佢哋將會推出淨水器，據講個淨水器嘅RO反滲透技術（我都唔知係乜，總之係高科技啦）係可以整走晒啲重金屬、抗生素同埋有機物，等你哋飲水嗰時（心理上）會覺得舒服啲。

Link:  小米官方網

飲西方水

咁驚飲東方水，咪飲西（方）水囉，如果你夠腰力、腳骨力同耐力嘅，咪日日落街托幾L西（方）水返屋企囉。

Link: Borgen magazine 

靠自己

仲有最後一個方法嘅，就係靠自己，自給自足！好似之前電視節目《人在野》個西人咁，喺危急存亡之際就係靠飲自己嘅vv嚟維生！不過聽聞vv裡面一樣含有電解質、毒素同埋激素㗎。

Link: Discovery.com 

講到尾，咪又係因為你班香港人唔捱得，又唔曉飲水思鉛，成日淨係識得喺度諗埋晒啲屎橋諗住避開啲鉛水，小小鉛之嘛，拉勻一生嚟講又邊會有事喎。如果唔係祖國嘅恩惠，你哋連水都冇一滴飲呀，仲唔快啲謝恩喎。