話說今朝九點幾鐘，手機突然響起，個號碼係「+66 97-467-9」，然後一接，嘩X，竟然有廣東話錄音（女聲）同我講……

「中聯辦通知你有一份刑事文件尚未領取。如果你想聯絡我哋嘅工作人員，請按5字。」

我心諗：吓？中聯辦？唔通東方昇做錯咗咩事？佢尋日畀我睇佢喺電腦入面嘅日本國家E Cup機密，莫非已經洩射，吖唔係，係洩漏咗一啲不可告人嘅秘密？

然後錄音又重複：「中聯辦通知你有一份刑事文件尚未領取。如果你想聯絡我哋嘅工作人員，請按5字。」

好啦，5字啦，我一嘢按落去。

「Li姣，油腎媽Ker以班斗Li？」仆你個街，普通話嚟嘅？竟然同我講「有什麼可以幫到你？」

妖！東方昇畀國家告關我叉事咩？而且我唔Q識講普通話，我就直接Cut佢線。

然後我就上網諗住睇下啲日本愛情動作片下一下火，再順手查下咩事。點知我上網一Search，先發現原來呢個係最新型電話騙案！！！！原來我差啲就畀佢呃咗隻豬！！！！

根據DBC有篇報導係咁寫：

「電話騙案層出不窮，繼順豐快遞的電話騙局，近日再有更多電話騙案發生，涉事機構包括聲稱自已是『中聯辦事處』和『HSBC（匯豐銀行）』。……有事主報料收到來自聲稱『中聯辦事處』的語音電話，電話中指事主有未領取的刑事文件，更聲稱有事主回鄉證的相片、編號及刑事拘捕令等證明。另一聲稱『中聯辦事處』的電話，更指事主洗黑錢，令事主大為恐慌。……收到可疑來電時不要輕易透露個人資料，有需要時可向警方報案求助。」

嘩X！我再上網查下邊個Area Code係「+66」，原來係泰國！

毛孩真係要呼籲大家千祈要小心，唔好立亂畀人大到，同埋記得唔好透露個人資料畀人。而我都真心覺得行騙嘅人好賤格，佢哋真係一心一意為呃人錢而活，做人做到咁真係好可悲，而佢哋多數都講普通話（我說話帶有歧視成份？哦係咩？哦……係呀，哦……咁又點呀？係歧視呀，吹呀！）。

報導資料來源：

http://www.dbc.hk/digitalmedia-detail/Id/78260/type/95/%E4%B8%AD%E8%81%AF

%E8%BE%A6%E6%90%B5%E4%BD%A0-%20%E5%B0%8F%E5%BF%83%E9%

A8%99%E5%BE%92%E4%BE%86%E9%9B%BB