需知道為人父母甚艱難！我講緊嘅係，成功造人做人父母呀！首先你要有個人肯同你生，又要夠精力、又要計啱條數，又要……簡直係難過中六合彩呀！所以能夠成功爭取做到老竇老母，絕對係一大政績！

就好似彩雲區同彩雲南區呢兩個區議員咁，要讓全彩雲區嘅居民都知道佢哋偉大嘅功績！

兩位區議員以身作則，響應家計會生隊籃球隊嘅呼籲，努力做造人，果然係忠僕呀下！大家畀啲掌聲佢哋（啪啪啪），唔夠，再多啲！啪啪啪啪啪啪！不過阿沈議員，而家係2015年，唔同阿䜖議員仲係兩年前咁可以隨便公開講自己為人父母喇。而家公開提及自己有BB，即係有性暗示，即係認曾經發生過性行為？喂喂喂，咁唔得㗎喎，仲要咁公開咁講會教壞小朋友㗎！小心畀啲怪獸家長話喺公眾地方行為不檢呀。