一眾（偽）文青平時慳埋慳埋咩書都唔買，通常就係為咗等每年一度嘅書展，然後一次過買晒一年要買嘅書，影返張相，畀大家都知道佢有幾熱愛文學。不過，要買咁多書，除咗要有錢，仲要有力搬返屋企先得。東尼電機就好體貼咁為大家設計咗一個新發明：書展腰帶。

帶住呢個活動書櫃去書展就啱曬嘞，睇啱邊本就拎邊本，擺落個架度，兩隻手又可以空出嚟繼續打……書釘，睇到邊就轆到邊，既方便又慳力，係條腰會攰少少囉。不過真男人有腰骨嘛，使乜驚？要驚就驚咁大個櫃，會唔會好似支Cue棍咁上唔到地鐵啫。