啲人成日話北韓又極權又冇民主，錯晒囉！人哋北韓一樣有選舉㗎！朝鮮噚日舉行地方人民會議代議員選舉，只不過候選人得一個咋嘛。

嗰一千零一個候選人由『祖國統一民主主義陣線』提供，嗱，唔好話得一個冇得揀呀，票嚟講，係可以揀投贊成定反對㗎。不過北韓人民咁愛國，有得投，實揀贊成嘅。

官方宣佈投票率有成99.97%，典解咁高嘅？有專家話，北韓政府會當地方選舉係人口調查，順便睇下有幾多人偷走㗎。毛毛覺得個專家咁講就唔啱喇，點可以淨係將北韓嘅負面新聞「highlight」出嚟狂loop㗎，就好似有人影到個媽阿媽打阿仔，仲年年係咁重播條片，咪令人覺得「阿媽永遠係惡魔」？講一次咪算囉。

資料來源：英國《國際財經時報》