女人深信一白遮三醜，所以強國女子都鍾意又要曬又要戴臉基尼，希望白到好似rice ice ice咁。少見識嘅香港廢青有可能唔知咩係偉大發明臉基尼，即係笠住個頭嘅尼龍防曬頭套呀。

但有人話呢種面罩睇落好似殭屍，會嚇到細路面都青埋，於是發明者張式范就諗到，將傳統京劇臉譜揉合時尚單品臉基尼，推出京劇臉譜臉基尼，帶領強國新風尚！

嘩，真係神奇！頂級！超卓嘅設計！表面上係京劇臉譜，其實係女人恩物臉基尼，毛毛就最欣賞大聖爺呢款喇！拎埋自拍神棍扮金剛棒，咁就維肖維妙！YO！臉基尼咋嘛，使乜驚呀？

計我話呢款京劇臉基尼，唔止可以防曬，又唔怕嚇親細路，直頭冇人敢埋你身，咁就算8000人齊暢泳都唔會迫到自己啦！

資料來源：中央通訊社