日本人阿醬噚日喺facebook post咗兩張相，些牙佢喺神奈川一間假台菜店嘅奇遇。

阿醬話佢對金睛火眼一睇，見到呢間「台灣餐廳」寫殘體嘅招牌同菜單，就「明顯知道一切都是假的」。於是佢（扮晒蟹）用日文問店員是咪台灣人，店員答「對啊」。

精明嘅阿醬打蛇隨棍上，話自己唔記得咗台灣總統叫咩名，個店員竟然話係習近平，即時穿崩。其實個「台灣」店員可能唔太識日文，或者冇做足功課，咪一時講錯咗囉。橫掂世界是中國的，你問佢美帝總統係邊個佢都可能答你習大大㗎！

其實強國人扮台灣人唔係新鮮事，早兩年就有網民話發現有強國人扮台灣人唱衰強國，企圖挑起雙方仇恨。但一睇見樓主ID係強國拼音「hanningzi」就看透了……呢招「扮人哋唱衰自己實際唱衰人哋」果然高招！

香港人都好榮幸，成為佢哋其中一個模仿嘅對象，就好似呢個會做足功課嘅強國人咁，早幾個月怕畀人圍，所以出咗個「求助！明天去香港，怎麼裝成香港人，怕給港獨圍」嘅post，扮得嚟都好有心㗎！

資料來源：台湾なう、百度