正苦話要成立創新科技局， 上星期支持創科局嘅「Fight for Tech Bureau 」facebook group，就貼咗封公開信出嚟，表示「科技發展事關香港前途，業界懇請盡快成立創科局」，引嚟唔少網民留言。

就係呢封公開信，下面有成7000個留言。你可能心諗，有人支持有人反對，多人爭論，都唔出奇呀。奇就奇在，啲留言全部都係一樣㗎！

差唔多7000個comment，每個都係寫住「少年，你太年輕了。你以為真的那麼多人支持創科局嗎？其實支持者都是來自親共小圈子的，不然我再換個ID發同樣的話給你看。」

原來網民係響應「前線科技人員」facebook group嘅，佢哋早前都發起咗個「一人一相反對倉促成立創科局」活動，反對政府喺倉促之下，強迫立法會通過創科局議案。

唓~~~六日先嗰7000個分身，真係未見過大蛇屙尿呀，人哋周溶9日閒閒地都151萬幾個簽名呀！

資料來源：Fight for Tech Bureau、前線科技人員