自從啟晴邨被發現食水含鉛之後，陸陸續續有唔少地方都被發現有同樣問題，引嚟公眾恐慌！不過大家有唔使咁驚嘅，智將有辦法！

愛國愛黨專頁「港人講地」就教大家，用水之前首先長開水喉兩分鐘，咁就可以沖走晒啲隔夜水喇！

用水之前要等兩分鐘呢個理論，其實係有根據㗎。毛毛相信佢哋其實係參考蘇局長話「上唔到地鐵，可以等多班車」、同埋建制智將「發叔未到，咪等埋發叔」嘅「停一停、等一等」理論，再轉化成今次嘅「沖走隔夜水，開水等兩分鐘」偉論！

另外，醫管局行政總裁梁栢賢亦都有建議畀大家：

想降低體內含鉛量最快捷嘅方法，就係飲多啲水呀！又啱喎，以毒攻毒，以鉛清鉛嘛！BTW，梁總裁可能喺兩年前已經神預知呢件事，由嗰陣開始已經叫大家飲多啲水㗎喇（好似係）。

來源：Speak Out港人講地、Yahoo 新聞（香港電台）、長青網（明報新聞）