噚日國務院決定任命流肛華做民政事務局局長，引嚟唔少人齊齊抽水，仲燒埋去689嗰疊。志雲大師今朝就喺商台節目以曱甴比喻689喇：「我見過一個現象呢，係好多人都怕曱甴嘅，見到就會噴殺蟲水，隻曱甴中咗都會掙扎一輪先死啦！」

志雲大師仲話，換人係阿爺畀689嘅最後機會，「知你死緊，都支持下你，畀最後機會你」。咁689咪要學樂壇小強咁唱返首踩唔死我？

另一方面，近排愛上抽水嘅田少，即使身在哈佬lulu都心繫香港，post咗張喺餐廳廚房同大廚影嘅合照，話「個廚係掂嘅，就多多人都肯走入熱廚房幫手！唔掂嘅就.....」。

田少你咁講就唔啱啦，廚房唔係淨係得爐頭呀鑊鏟呀咁㗎，一樣要有垃圾桶㗎！

資料來源：田北俊 (James Tien)、雷霆881  在晴朗的一天出發