有位網民喺「世界係屬於cap圖粉嘅」facebook group 些牙咗喺書展買到嘅戰利品，係一本教導小學生輕輕鬆鬆學打字嘅書嚟嘅，又幾實用啵。

個表一行寫晒輸入法編碼，一行就寫配對嘅英文字母，再加個「有趣」記法，將兩樣嘢連繫，等日理萬機嘅小學生簡簡單單就記到點打字，唔使百上加斤。就好似「M」同「一」咁，就用「Monday = 星期一」嚟記。

由A至U，都好地地，但到咗V，就出事啦…… 竟然教小朋友用「AV女優」嚟記！估唔到唔止青少年會受外國文化入侵，小學生都會！唔通真係「你不愛AV，但AV會找上你」？

資料來源：世界係屬於cap圖粉嘅