鉛水風波十幾日，問題仍然未解決，唔少居民都愈嚟愈不滿。高智森就係facebook講咗句「其實，食多兩隻皮蛋都含鉛嘅啦⋯」，嘗試安撫咁多顆安已不的心。

高導演有名你叫，真係高智啲㗎，睇得好通透。水有鉛又點？皮蛋都有鉛㗎，邊驚得咁多！

毛毛上網睇下皮蛋毒啲定鉛水毒啲啦，點知原來而家整皮蛋已經唔使用鉛㗎喇。

高導演就表示唔肯定係咪所有皮蛋製造商都用當代製法，接住，又有網友講出咗皮蛋同水嘅最大分別！皮蛋可有可無，而水係要日日飲㗎！

話唔定高導演好鍾意食皮蛋，去到全世界都要食呢？下次啲話鉛水冇乜害嘅官員想加強自己嘅說服力，唔使再話咩「我食鹽多過你食米」喇，講句「我食皮蛋多過你飲水」啦，即刻收對方皮。

資料來源：高志森facebook、食物環境衞生署