沙田區議會今日開會討論水泉澳邨鉛水問題，區議員丘文俊帶埋裝住水泉澳邨水喉水嘅水樽，要求水務署等官員飲返啖，但就不獲半數議員支持。

當時就只有署理天文台台長劉心怡即埸飲咗啖水泉澳邨嘅水，丘文俊仲讚佢比水務署官員更有勇氣?。

其實點解水務署官員唔肯飲呢？衛生署醫生都話雖然食水鉛含量係高咗啲啲咁多多，但整體嚟講係低風險啦，佢哋應該宏觀啲睇，先飲嗰一啖，拉勻一生咁計，口水都多過嗰啖水啦！

話時話，唔知點解班官員咁抗拒飲水泉澳邨啲水呢？
A.　 話明鉛水，飲就笨啦！不過我知佢哋係父母官，冇咁衰嘅。
B.　平時食皮蛋已經吸收好多鉛，所以要降低食水中的鉛含量。
C.　想留返啲水洗衫同淋花用。
D.　佢哋以流局長為榜樣，寧願一生不說話，唔口乾咪唔使飲水囉。

資料來源：蘋果日報