正苦突然地震，一日有兩個膠官被辭職，搞到其他膠官都人心惶惶，個個都好驚下一個輪到自己夠鐘退休，聽聞仲有份「排住嚟炒」嘅名單，好似話阿蘇局長同吳局司都榜上有名喎。

不過冇奶油㗎喎，佢哋多次護航有功、功績有目共睹，絕對可以話係正苦嘅鐵腳，呢張名單上，肯肯定唔會有你哋個名嘅（除非有）。

蘇錦樑

巿民對地鐵嘅服務怨聲載道，日嘈夜嘈，蘇局長一句「等多一班車」啦就KO晒呢班唔等得唔捱得嘅廢青，換局長呢家嘢，「等多一個」先到你嘅，未有咁快，放心。

吳克儉

曾德成做得唔夠好嘅青年工作，吳局長做得相當好，佢一直致力推崇國民教育，連如何趣味化學習沉重嘅歷史呢啲咁艱深又咁有創意嘅方法都畀佢諗到，再加上強力推行普教中，成功爭取學生講嘢同寫作都少咗俚語，個人斯文咗，為香港培育到咁多愛國愛黨嘅青年人，一定有得留低！

仲有另一個肯肯定冇份嘅就係孽瘤同志嘞。

身為行政會議成員，喺新年以身體同髮型為正苦擋咗一劫，如此捨身成仁、犧牲小我嘅精神，再加上投唔到票後嗰滴發自內心嘅哀傷眼淚，在情在理都唔會「被提名」住嘅。

喂，國家仲有大把任務畀你哋幹呀！

來源：壹週Plus