香港就曾經畀人話係示威之都，幾乎每個禮拜都有一兩次示威遊行，唔知係唔係成日都係得個行字，今年嘅71大遊行嘅人數就大減，如果想叫返啲人返嚟，就可能要學吓外國啲人點樣示威。

你哋唔好誤會呀，唔係叫你哋學人又掟汽油彈，乜乜乜。呢班法國人為咗抗議農產品啲價錢係咁跌，搵唔到食，就竟然好有創意咁拖咗幾隻豬去超級市場度示威，話啲超級市場入埋晒啲外國貨，拉低晒啲價格。

喺香港，無論你係邊派嘅示威搞手都可以參考吓呢個外國嘅例子。

建制派

直頭照抄，拖幾隻豬入去立法會，向阿爺反映點解建制派成日都係得啲豬一樣嘅智將隊友。

反對派

就可能要危險啲，帶幾隻狼去抗議689，有咩講唔掂，就落閘放狼咬人都得。

抗議食水含鉛

玩食字，帶幾隻猿去抗議，睇吓同樣都係靈長類嘅猿嘅智力高啲定係政府啲高官高啲。

抗議警察暴力

正路就應該帶啲犬類去，不過都可以諗吓帶長頸鹿，因為仲喺暗角嘅7警，朱Sir呢兩單嘢成二百幾日都仲未圓滿解決，等到市民頸都長埋。

來源: 寰雨膠事錄, sky news, Brice Bach, 田北俊, 行政長官-我的網誌