話說，NASA早兩日公布話搵到一個同地球好相似嘅星球，可能屬於「適合居住區」。而台灣嘅「Discovery頻道」Fb Fanpage就報導咗呢個消息……點知……引來一位網民嘅神！回！覆！

首先等我講少少關於呢個星球嘅嘢先……

克卜勒（Kepler）太空望遠鏡搵到一粒叫做「克卜勒452B」（Kepler 452B）嘅行星。呢個行星同地球好類似，NASA甚至叫佢做「地球2.0」。

呢個行星體積係地球嘅1.5倍，年紀就比地球老。不過，Kepler 452B距離地球有1400光年（即係用光速飛去都要1400年，亦即代表而家大家睇到嘅佢，其實係1400年前嘅佢）；星球直徑比地球約大60％；呢個星球上嘅日照同地球差唔多，光合作用可行，因此植物就有可能生長到；佢公轉一周係385天，即係一年就係385日，同地球都好類似。

於是，「Discovery頻道」Fb Fanpage就報導咗呢個消息……

點知……有一位網民作出咗神！回！覆！！！！

原來台灣人工作的壓力也一樣大……(￣口￣)!!

後話：

有位叫Alex Cheung嘅網友留言指正咗毛毛科學上嘅資料，於是毛毛就直接放出嚟補充返，因為我都唔係好明佢講咩，但又好似好有道理……

「謬誤一：NASA說Kepler-452b的發現令『我們發現地球2.0又近了一步』，而非『Kepler-452b就是地球2.0』。

謬誤二：Kepler-452b的質量(mass)暫時不明。說體積(volume)為地球的1.5倍是不可能的：球體的體積與直徑的立方成正比，故此直徑大60%的球體，體積必定為1.6 x 1.6 x 1.6 = 4倍以上。

謬誤三：NASA並沒提到『日照』、『光合作用』、或『植物』的可能性。

謬誤四：公轉一周用385個『地球天』，並不等如『一年385日』；譬如，如果Kepler-452b自轉一周需時48小時，則它的一年只有385/2=192.5日左右。而其自轉週期暫時不明。」

多謝！！！我今日真係學到好多嘢！