有位藍絲喺愛護香港力量（愛港力）公開論壇些牙咗張有幾個後生仔喺地下用粉筆寫字嘅相，話高學歷嘅佔中黃屍連字都寫錯。

相入面嘅後生仔應該係想寫「撤回黑箱」，但就唔小心將個「撤」字寫咗做「撒」。

愛港力嘅藍絲sss都對呢個大發現感到不滿同氣憤，紛紛鬧爆學生哥讀屎片，仲話寫個「切」字都起碼同音呀！

讀咁多年書連咁簡單嘅字都搞錯真係無可原諒！但其實張相係台灣嚟㗎！愛港力嘅朋友，你撈亂咗啲啲咁多多喇！

其實將台灣睇錯做香港，都唔係話錯到離晒罩嘅，舊年雨傘革命期間黃絲成日都用粉筆喺地下畫畫寫字，搞到藍絲以為個「撒」字係廢青寫都唔出奇呀。黃絲廢青又搞到經濟唔好，又搞到台灣學生寫錯字，真係過份！

資料來源：愛護香港力量（愛港力）公開論壇、中國台灣網