中學派位已經完結咗，一向都係大量入手補充練習最好時機嘅書展又過埋，而家就應該係一班錫到啲仔女燶嘅家長休息一吓嘅時候，準備出年再搏殺過，但係你唔搵學校，學校就會搵上你。

事緣有間Band 1嘅學校有個學生嚟緊嘅學年又要Repeat中一，即係準備第三年讀中一，佢嘅老師就打電話畀個家長問吓佢有冇諗過同個學生轉校，個家長除咗用標準答案去話呢啲全部都係學校嘅責任，教極都教唔好個仔之外，佢仲發表咗嗰驚人嘅偉論，就係同香港嘅學校分咗類。

Band 1：喺裏面咩都好，包括垃圾。

Band 2：係一個垃圾筒

Band3：仲慘，直情係堆填區

呢位家長，你有所不知嘞，而家喺香港做垃圾筒先有前途㗎，睇吓政府嗰個垃圾筒，坐喺度三年就做咗局長喇，如果你肯去堆填區度坐三年，就隨時特首都有得你做呀，仲坐喺間Band 1學校度做垃圾？快啲走喇。

來源：90後教師決戰怪獸家長, Go Green Hong Kong, 環境保護署