金句呢家嘢，唔係淨係得黎天王或者一班建制智將先識講，其實你學校個miss時阿蛇先係最有哲理嘅金句王！喺「名校Secrets」呢個Facebook就有啲勤奮好學嘅同學仔，上堂mark筆記連老師講過啲咩都mark低晒，仲同大家分享：

嗱，你哋唔好笑老師呀，佢冇講錯㗎，明明我啲facebook post淨係得張圖同字，你哋都成日留言同毛毛講話個post有聲嘅，所以老師話唔要見到聲音，係絕對合情合理合乎國家中文水平㗎！當呢位同學仔投咗稿之後，就陸續都有唔少同學仔蒲頭，展示佢哋努力學習嘅成果嘞。

例如呢位朋友仔就應該上緊bio堂嗰陣，學習緊人體結構。

呢個VA老師仲犀利，擁有前衛嘅眼光，教同學要跳出框框咁去睇呢個世界，先至可以成為一個成功嘅藝術家。

嗯，我諗呢堂應該係科學，呀唔係，係科幻堂，做緊超現實嘅實驗。

最後呢個，我真係睇唔透，呢堂係……教緊平行時空？

咩話？你話你讀書嗰陣啲老師冇講過？你一句都聽唔到？咁係因為你根本都冇留心上堂，或者走咗堂，聽乜啫？

來源：「名校Secrets」Facebook page