環保是美德，紙要兩面都用完先好丟，就算丟都最好丟去回收箱，可以循環再用吖嘛，唔係你真係想下世做樹妖咩？不過強國人永遠比人行前一步，當你哋仲學緊回收廢紙嘅時候，強國人已經實施緊回收廢廁紙喇！

人類每日都用好多廁紙，去廁所又搣十幾廿格、抹鼻涕抹嘴又抹咗十幾廿格，然後執（昆蟲）屍抹塵……又用唔知幾多格，實在太浪費喇！強國人有見及此，就為咗拯救地球、拯救人類，污糟少少都唔怕，就算發臭咗、甚至生埋蟲嘅環境都仍然唔能夠阻擋佢哋嘅愛心同決心。

佢哋喺一堆被遺棄嘅垃圾堆中，執返呢啲已經用過嘅廁紙，拎去漂白，再造返成一張張白雪雪嘅廁紙，再送返去巿場循環再用喇！

如果大家都可以好似佢哋咁愛護資源，地球一定會少好多廢物，垃圾筒同堆填區都唔使要咁多個啦！

來源：揚子晚報