冇得嚟m嘅男人做m巾代言人，冇真實用家感受，會唔會冇咁有說服力㗎？唔使驚，毛毛喺大廳，等毛毛教下你哋男人嘅M巾使用方法啦。

吸汗用

M巾又薄又強吸收力，打籃球嘅時候黐喺胳肋底吸汗就啱晒！ 不過啲雄糾糾嘅胳肋底毛毛可能會影響黐力，使用前最好修一修啲雜草。

當退熱貼用

香港天氣咁熱，男人老狗用芭蕉扇又唔多型，又畀人話唔捱得。雪凍塊M巾當退熱貼黐喺額頭就最爽！唔止天熱先可以用㗎，扮工時想提神，或者真係發燒都用得。

當M巾用

男人都冇M，點當M巾用呀？學豬妹咁放塊M巾入底底，就算唔知咩係M痛，都可以feel下豬妹嘅感受呀。下次女友嚟M時（以為自己）攞正牌發脾氣話「你都唔明攝住塊M巾有幾焗幾煩」嘅時候，你就可以大返佢：「我明喎，我都用緊喎」，咁女友就冇藉口再發脾氣兼冇聲出啦！