今日白宮放咗一套奧巴馬環遊世界寫真集出嚟，真係張張都型到震呀，一日都唔夠就已經幾萬個like，全世界再一次一齊丁白宮個facebook page。
呢張就係2012年喺阿富汗影嘅，個剪影都散發住成功男人嘅味道。
呢張2011年影嘅，一睇就知係巴西啦，乜影到盜墓迷城咁嘅喂。

呢張就係今年四月喺牙買加影嘅，好似條彩虹都跟住佢行咁，用嚟做撐同志icon一流。


呢個環遊世界寫真集一出，好多網民都激讚，仲話再一次向世界證明到佢點解連任呀！下不過影相靚同連任有關嘅咩？

有人話唓個攝影師勁之嘛林雪都影到變林家棟啦！咁你又搵689影返輯睇下出嚟效果點，55，所以話影相都係人像先決嘅。

來源：The White House