有報道話，負責港澳事務嘅北京官員表示，如果表決政改當日自由黨肯跟大隊，人走佢又走，就唔會令會議廳夠法定人數，咁就唔會發生甩轆事件，畀人笑到今時今日；相反，建制智將為求「等埋發叔」搞到甩轆，雖則做法愚蠢，但總算團結。

政改否決之後，田少喺facebook 話建制智將「人蠢冇藥醫」，抽水抽到出晒面。自由黨帶頭拒絕離場，事後又係咁抽智將朋友水，可能就係因為咁，畀阿爺覺得唔夠齊心。

噚晚田少又發功，cap咗相關報道post喺facebook，話「其實D豬都蠢唔晒，仲識賴落我度。不過... 反應慢咗D囉，用咗一個幾月先諗到。」雖然啲豬仔又卸膊又冇藥醫又反應慢，但豬腦都係腦呀！我哋應該在最壞中找最好，就好似阿爺咁，搵到智將們團結呢個優點。阿爺嘅積極樂觀精神幾值得我哋學習！

資料來源：田北俊 (James Tien) facebook