你以為坐車只係等如「慳時間、慳腳骨力」咁簡單？少年，你太年輕了，其實坐唔同嘅車，唔同嘅位，已經可以窺探到嗰個人嘅內心世界。

龍蝦：

突手夫人雖則身處座駕入面，係同記者有些少距離，但都盡力同記者心靈膠流，非常nice咁面向鏡頭微笑同豎起手指公，夠晒親民！睇得出突手夫人內心係好想同記者瘋狂影相嘅，最衰隻窗同道門囉，阻X住晒！

奶媽：

落區宣傳政改嘅奶媽同一班官員坐喺露天巴士，沿路同蟻民們say hi打招呼，一啲架子都冇，同時又保持住正苦官員應有嘅威儀，由上而下俯瞰落嚟，簡直係典範。睇嚟佢哋當市民係男女朋友咁，欲拒還迎，如遠若近就啱啱好。

局長：

睇見局長坐上車頂，就知佢一朝得志high到極致，自我沾沾啦！睇L住呀，一陣掟彎飛咗你出嚟記得要開口大嗌，唔好又寧願不說話呀！