民建聯今日公布一個有關消費信心指數嘅調查結果，民建聯葛博士發表咗個震撼性言論：原來市民消費信心咁低係因為創科局未成立！

調查結果指，「消費者預期指數」、「綜合消費者情緒指數」同「目前狀況指數」都有上升，不過就同樂觀水平仲有距離。調查雖然冇問到受訪者對創新及科技局成立嘅態度，但葛博士認為，科技帶動經濟是基本吧，所以相信創科局未成立自然就會影響市民消費信心。

香港人冇信心消費都關創科局事，睇嚟葛博士嘅金句有望成為新一代正苦萬能key喎。話唔定香港土地供應不足同要等埋發叔嘅原因都係因為創科局未成立！

資料來源：香港電台