抽水界新晉田少又發功喇！噚晚田少喺facebook post咗張喺西貢海影嘅開心相，可以見到佢戴住副黑超，拎住個冰箱仔，caption就寫住「田記海上士多」。

除咗開士多，田少仲話要做埋清潔大隊長，監督大家執返啲垃圾：「Well... 清潔嘅野，邊個話淨係民建聯做得，自由黨唔做得㗎？！」跟住仲要加句「feeling clean」，真係鬼馬。

今個月頭，689指派奶媽做「清潔大隊長」，統領「全城清潔2015＠家是香港」清潔運動，任重道遠。田少雖然冇畀689點名做大隊長，但都咁積極，值得掌聲鼓勵！啪啪啪，加油呀田少，做得好可以做埋政務司司長㗎（好似係）！

資料來源：田北俊 (James Tien)  facebook