話說90後教師戴sir要帶班想選學生會嘅學生去camp做training，有廿四孝家長特登叮囑戴sir幫仔仔剪腳甲。今日戴sir又update咗最新營內情況，話食飯嘅時候埸面混亂。連餐安樂茶飯都冇得食，真係辛苦晒阿sir。

戴sir話有學生唔用公筷，又用自己隻匙食完飯用嚟潷湯飲，認真唔衛生。不過咁，人哋諗住一齊選學生會，都情同兄弟㗎喇，少少口水算得乜呀。

跟住仲有位港媽同戴sir講，女女個袋塞滿晒瞓覺攬嘅公仔sss，冇帶杯麵，如果啲嘢食唔啱女女胃口，可以嗌外賣送入camp，真係諗得周到！

最激死戴sir嘅係，有個女學生話「阿媽教落，裝飯係工人做，唔係自己做」，戴sir就問嗰位咁有見地嘅阿媽可唔可以暫時唔跟呢個做法，阿媽竟然立馬答應話當然可以！哦……唔怪得咁順灘啦，原來未講完，佢係話「去camp冇工人嫁嘛，叫校工囉」，或者叫飯堂職員、男同學（咁細個就學定收兵？），甚至戴sir……

只係升form5就已經明白「笨人出手，公主出口」嘅大道理，就算呢個女學生選唔成學生會，選公主會都一定贏嘅啫（如果真係有）！

資料來源：90後教師決戰怪獸家長