市建局資助房屋項目，啟德「煥然壹居」其中300幾個單位將會以市價8折出售！嘩，8折喎，雖然折完都未必買得起，但聽到都心郁郁嘅。

但係，Sorry喎，煥然壹居嘅銷售對象係中等收入嘅首置家庭，唔接受單身人士申請，向毒L說不㗎！

你可能心諗，OK Fine，買唔起咪租住先囉。Sor9ly，租樓都一樣謝絕毒L啵。「只供家庭，單身免問」八個大字簡直晴天霹靂。得嗰300呎，唔知夠幾多人家庭住呢？

睇見咁多女女嘅做人宗旨都係「男友冇樓就嫁唔過」，就算有200呎都嫌細，毛毛只係想舉起中指。市建局呀，你唔賣畀單身人士，佢哋唯有繼續單身落去，跟住上唔到車，又繼續單身無限loop㗎咋啵。

資料來源：蘋果日報、無樂不作同盟會、香港屋網、Beauty Exchange、親子王國、香港討論區