籃球之神米高佐敦（強國叫佢做喬丹）喺球場度無人能擋，佢可以話係歷史上最強嘅球員。就算佢退咗休之後，吸金能力依然強勁，佢今年就成為咗全球最高收入嘅退休運動員，不過無論你幾咁犀利，此終都有一日會畀人擊倒。

邊個咁堅連籃球之神都打得低？咪係宇宙最強嘅強國囉。話說之前米高佐敦就話強國嘅喬丹體育用咗佢個名同標誌係侵權而告上法庭，噚日強國嘅法院就作出咗最終判決，駁回咗籃球之神嘅起訴。

個判詞話強國嘅喬丹體育只係用喬丹兩隻字，而喺美國好多人都係用呢個姓，加上喬丹體育個標誌又冇樣睇，好難話佢哋係講緊米高佐敦。

強國嘅法官真係有如再世包青天，一眼就睇得出呢位籃球之神只不過係一廂情願。佐敦喺強國算是哪根蔥，識睇籃球嘅就梗係要睇中國嘅CBA啦。

來源：Yahoo news, wall321, 光明網, carolinablitz