最近有研究發現，香港大學畢業生嘅薪金中位數喺過去廿年持續插水。按通脹調整之後，2013年嘅大學畢業生起薪中位數比1993年低2千幾蚊！

有為中年可能會話，你哋班廢青，有成萬幾數都嘈生晒，唔吃得苦，嬌生慣養！毛毛唔信！香港咁好境，人工點會反而下跌呢？等毛毛趁腦細睇唔到，即刻上網搵下有咩好工先。

有5年會計經驗，每粒鐘都係都係得$32個半，即係最低工資咋！要返幾多個鐘頭先儲到錢食焗豬排飯？要返幾多個鐘頭先儲到錢上車？

人工咁低，唯有多勞多得啦，每日喪OT返夠40粒鐘，希望真係搵到萬三蚊人工啦！

資料來源：新青年論壇及新論壇