阿茂一跌成名，佢個傷膝甫屎一時成為全城佳話，相信將會傳頌千古，成為至潮呃like甫屎。阿茂好唔小心咁唔知自己跌親定畀人踢親之後，唔少藝人都出手抽水。

文字抽水

不嬲都敢怒敢言嘅秋生話阿茂可能係畀鬼踢，建議佢驅邪趕鬼。如果要驅嘅係自己，唔知又要咩儀式呢？

改圖抽水

HOCC些牙咗網民將阿茂改做龍珠嘅圖。阿茂嘅甫屎，表現到佢當下嘅痛苦嘅同時，又不失高雅，仲令食花生者感受到塊地幾硬，唔怪得HOCC都要讚佢姿勢優美啦。

真女神葉蘊儀就些牙咗張將阿茂key落西方名畫嘅圖，話model同作品互相呼應，大讚咗兩次好掂！你就好啦，跌一跌就有真女神讚你，毛毛好唔抵得囉！

身體力行抽水

一向都鍾意喺挨豬抽水嘅軒仔post咗幾張攬住膝頭嘅相，甚至連企喺度嘅都有，caption話「好鐘意呢個鋪屎」，仲好抵死咁瘋狂落成16個hashtag，其中一個超長hashtag，#壯腰健腎抱膝低頭衣牙嘭哨唔好行埋嚟之原地翻騰柒周半湯馬斯盤旋轉體落地，仲長過阿茂伸出嚟嗰隻腳呀！

舞林高手狄易達都唔執輸，同5個FD子一齊做凌空版捉膝，難度分仲高過失驚無神跌親！

資料來源：黃秋生、何韻詩、葉蘊儀、張敬軒、狄易達