請病假唔係問題，一個月請幾次病假就係問題嘛，單純啲嘅腦細就會覺得你後生仔真係唔捱得，體弱多病，一個字：潺；冇咁單純嘅腦細就會覺得你後生仔真係唔捱得，返幾日就頂唔住，要扮病，一個字：廢。一句到尾其實都係想話你唔捱得。

一畀腦細覺得你唔捱得，咁就大問題喇，唔捱得即係唔做得嘢，唔做得嘢即係唔做嘢，唔做嘢即係冇用，冇用即係多餘，多餘即係炒得，炒得即係佢可以慳返筆！所以，為咗每個月可以多幾日額外假期得嚟又保住飯碗，你必須學識扮工嘅最高境界！

留意，係「啲」，唔係「個」，1日4次，每4個鐘send 1次啦，仲有，早晚都要各send一次呀！