今日有兩個叫「珍惜群組」同「和平論壇」嘅團體去到港大示威，話納稅人有權要求政府唔再資助「鬧事」嘅廢青學生。佢哋仲因為唔滿意校長馬斐森冇譴責衝入校委會會議嘅學生，而要求馬斐森辭職。

不過，呢班納稅人可能太激氣喇，激到連讉責目標馬斐森個名都寫錯做「馬婓深」。喂呀，冤有頭債有主，你哋去錯地方喇。

納稅人們又拎住展示港大學生會會長馮敬恩嘅相，讉責佢「腳踢、禁固、虐老」。哎呀，毛毛諗，佢哋應該係想寫個「錮」字啩。BTW，「虐老」個「老」是咪指阿茂呢？

另一張紙牌就寫住「學生齊做枚」，唔知佢係想話學生「做媒」定「猜枚」呢？其實呢班事事關心嘅藍絲都係怕大學生掛住抗爭讀唔成書，先要用苦肉計，做反面教材話畀班廢青知咩叫「老大鍾樹根」啫，真係用心良苦。

資料來源：無綫新聞