鉛水風波……唉（呵欠呵欠），係呀你又估中喇，係依然仲未解決呀。今日有報道指，居屋綠悠雅苑有個食水樣本嘅含鉛量超標21倍呀。

到底食水含鉛量超標，會有啲咩問題呢？

最明顯嘅，一定係令到智將sss鉛形畢露，講埋晒咩「皮蛋都有鉛」呀、「拉勻一生」呀、「講利益衝突好傷我心」呀呢啲我哋班平民諗唔到嘅金句。

當然啦，食水含鉛對身體健康嘅影響鉛鉛不絕，好似腎功能同神經系統受損咁。不過學醫生話齋，呢啲影響拉勻一生嚟計，應該唔算嚴重嘅。

原來最大嘅後果，係豬妹唔肯上你屋企呀！有位網友喺香港討論區開post話，佢男友住嗰條村啱啱驗到有毒鉛水，好驚上到佢屋企又要食飯又要飲水，唔知點算好。

有網友就建議佢買個隨緣除鉛濾水器畀auntie。又幾醒咁喎，有見面禮之餘仲可以除鉛，一舉兩得！不過樓主就話驚畀auntie知道佢嫌棄啲鉛水喇。鉛水事件愈爆愈多，班高官都未嫌棄自己啦，樓主，睇開啲啦。

資料來源：蘋果日報、衞生防護中心、香港討論區