早幾日，毛毛先講話大台明張目膽作反（唔知咩事嘅可以睇返呢篇：大台反了），今日佢哋話咁快就知錯能改，做事小心謹慎咗，一有任何疑似對國家不利、禍中亂港嘅圖像出現，就立馬河蟹咗。

話說頭先新聞報道有關台灣學生示威一事嘅時候，其中一個同學仔嘅心口被打咗格仔！嗯，可能佢個胸好有攻擊性啦，要封！

個鏡頭pend吓pend吓，啲格仔又跟唔切喎，同學仔個心口就被露出喇！我指佢心口啲字，原來係寫住「自己國家自己救」。喂！邊個同事咁唔小心呀？遮一半唔遮一半，出事㗎嘛！咁難得先洗返底，而家又要再同阿爺解釋過嘞唉。