流局長今日去咗香港公園體育館，參與「全民運動日2015」嘅活動，同巿民一齊做健體操呀！

流局長一身黑白配裝束，同大家一齊跟住教練郁身郁勢，延伸吓手臂又壓吓腿咁。

喂，你好似調亂了左右喎……冇緊要啦，操到咪得囉。呢啲小動作邊度難得到我哋嘅局長吖？你睇吓佢做得幾輕鬆，神態自若咁，其實局長平時都有做開運動㗎（好似係）。

平時反手倒立都得啦，今日呢啲健體操，小兒科啦。