流局長新官上任都未夠一個月，就頻頻出事。之前喺屯門疑似隨街出火，最近又有讀者發現流局長疑似同人發生打鬥，身體多處嚴重受傷。

上個月尾般咸道發生塌樹事件，有讀者最近經過嗰度時發現身受重傷嘅局長，就相片所見，局長身體多處出現甩皮、骨折，甚至斷裂嘅情況，連部分器官同內臟都外露，被發現時已經奄奄一息，不過一直都冇人理過佢。但係，局長嘅情況已經畀隔籬個站牌好，起碼身首一處，未被肢解，已經要感恩。初步懷疑係同塌樹事件有關，有機會係畀Treegun個胸壓傷……

而喺本港另一個地方，雖然過咗清明又未到重陽，不過有巿民都好有局長心，專誠去拜祭上香。

希望未來嘅日子，阿局長唔好再係咁多災多難，出入、上落都平安，繼續沉默是金啦。