話咁快又到咗星期日晚，全港所有打工仔都最唔期待嘅時間，然後根據非正式統計，星期一朝早係最多人遲到同埋不幸病倒嘅日子，除非你遇到以下呢幾個腦細囉。

正所謂人生得意須盡歡，有得玩好玩，有囡溝好溝，有3日時間畀你去盡歡，聽日咪擠返啲精神出嚟返工開檔囉。喂，呢3棵菜好唔好食，啱唔啱胃口呀？

如果你公司好似呢間舖咁，淨係返一粒鐘嘅，星期幾又有乜所謂喎……

係呀，呢張通告係個幾月前貼㗎喇，不過讀者Sheree Fu呢排經過嗰陣，仲未見到佢開，腦細應該仲未有喜完，我諗佢哋堅係要狂歡到6月31號先會正常營業喇。啲伙計真係可以大大聲咁唱：讓我有個永遠假期喇！

瞓醒先開工係幾爽嘅，可憐大部分打工仔做到放工嗰刻都係未瞓醒。不過搵夠先有得收工就……根據毛氏定理所講，腦細永遠都唔會覺得搵得夠㗎喎，咁咪即係……嗚呀！你唔係到今日都仲未明白呢個道理呀？傻豬，接受現實，瞓覺啦。

延伸閱讀：【收工放工】做老闆就係任性