今朝早，喺水街同皇后大道西嘅交界，禮義廉又有黨員進行「洗街」行動。

今次係用人影戰術，一個人就洗晒你成條街！每行一步都有一個楊學明，仲多過流肛華。想唔「梗有一刻喺左近」都唔得啦，好sweet好warm呀！

不過塊紙板話咁快已經畀人投訴，仲黐埋張「請勿違掛宣傳品」嘅紙喺度。唉，邊個咁唔識趣呀，居然同黨作對？地區工作好重要㗎嘛，黨員日常工作事務繁忙，唔係成日都得閒落區同巿民打成一片，咪放住個人版喺度，見板如如人囉，咁都要西人面，真不該。

讀者報料：Samson Lau

來源：西環變幻時