首先，嗱首先如果你有個女朋友，而你又想同佢結婚（又覺得佢肯嫁你），但係又冇40萬租直升機吊到張banner天咁高呢，不如脆脆地諗下呢幾個方法～

呢位哥仔出到直升機加海景套房，使成40萬玩到咁大？有網民話咁我咪要租架小型飛機至夠你玩？咁但係我連40萬都冇咁點算呀？

嗱，誠意嘅嘢唔係話邊個吊得高就贏嘅！好似呢啲咁，唔使吊到咁高，咪係又浪漫又成功！

用航拍機吊戒指

如果唔想租架直升機大陣仗，就用航拍機飛住先啦，都係飛啫。好似汪峰向章子怡求婚咁，將隻鑽戒放喺部機上面再控制部機飛到章子怡面前，飛得近近地咪又幾好。

用吊雞車吊起自己


再唔係，吊banner吊戒指呢啲都太普通喇！好似呢位巴打咁，直情用吊雞車吊自己上天（橋），你睇老婆幾冧豬，仲平過租直升機吊條布幾廿倍?～

毛毛我就準備好晒點樣搞一場驚天地泣鬼神前無古人後無來者嘅求婚㗎喇，點求？唓我講畀你知畀你抄我橋咁點算呀？不過...首先......點解嘅點解我突然間又哭濕濕嘅......